अमेरिका-इस्रायलच्या संयुक्त हल्ल्याने जग हादरलं; इराणच्या संरक्षणमंत्र्यासह कमांडरला संपवलं

इस्रायल आणि अमेरिकेने इराणमधील विविध लक्ष्यांवर मोठ्या प्रमाणावर संयुक्त हल्ले सुरू केल्याचे वृत्त आहे.

इराण-इस्रायल युद्धातील तणाव अधिकच तीव्र झाला असून अमेरिकन-इस्रायली संयुक्त कारवाईत इराणचे संरक्षणमंत्री अमीर नासिरजादेह आणि इस्लामिक रिव्होल्यूशनरी गार्ड कॉर्प्स (IRGC) चे कमांडर मोहम्मद पाकपूर यांचा मृत्यू झाल्याची माहिती समोर आली आहे. ‘रॉयटर्स’ने लष्करी कारवाया आणि प्रादेशिक गुप्तचर यंत्रणांशी संबंधित तीन स्रोतांच्या हवाल्याने हे वृत्त दिले आहे.

या हल्ल्यांबाबत तेहरानकडून अद्याप अधिकृत प्रतिक्रिया देण्यात आलेली नाही. दोन्ही वरिष्ठ अधिकाऱ्यांच्या मृत्यूची औपचारिक पुष्टी इराण सरकारकडून झालेली नसली तरी या घटनेमुळे परिस्थिती अधिकच चिघळण्याची शक्यता व्यक्त केली जात आहे.

युद्ध पेटलं ! हल्ल्यानंतर इराणचेही थेट प्रत्युत्तर; अमेरिकेचे लष्करीतळं उद्धवस्त

दरम्यान इस्रायल आणि अमेरिकेने इराणमधील विविध लक्ष्यांवर मोठ्या प्रमाणावर संयुक्त हल्ले सुरू केल्याचे वृत्त आहे. राजधानी Tehranसह अनेक शहरांत स्फोटांचे आवाज ऐकू आल्याची माहिती स्थानिक माध्यमांनी दिली आहे. या कारवाईत उच्चपदस्थ लष्करी आणि राजकीय नेत्यांना लक्ष्य करण्यात आल्याचे सांगितले जात आहे.

मध्य पूर्वेत आधीच तणावपूर्ण असलेल्या परिस्थितीत या घटनेमुळे युद्धजन्य स्थिती आणखी गंभीर बनली आहे. आंतरराष्ट्रीय समुदायाकडूनही या घडामोडींवर बारकाईने लक्ष ठेवले जात असून पुढील काही तास निर्णायक ठरण्याची शक्यता आहे.

संबंधित बातम्या